Shillong: Ki pulit ka Nongbah Shillong chirrup wa ki pulit na Kolkata ynne ka sngi da yoh kem ki ya u Anjan Chakraborty, uwa toh u pulit ka tnat CID tangwa da chongngiah u naka jylla Meghalaya.
Ki pulit da thooh ki ya u Chakraborty hajrong ki kaam thok kaam chukor yong oo ha Kolkata, wei da suba wa emkti u wow dawa poisa kawa da poi hadooh T. 2.5 lak deiwa kam u toh uwa man u kam u heh ka CBI.
Ya u Anjan da kem najan ka SBI Evening Branch, Police Bazaar, Shillong hajrong i chah ujor u ha ka Ekbalpur PS, Kolkata. Ki pulit da yoh ki leh ya ka ID yong oo kam u CID, ki kot ki sla wa ka poisa.
Katkam ka ujor da ong wa ha u Naiynñiaw yong uni u snem u Anjan da chna thok u ya ka ID kam u heh pulit ka Kolkata deiwa kam leh wa oo toh u Deputy SP ka CBI wei da paan poisa u leh na uwi u bru T. 2.5 Lak wei da maham u ya oo wa lada ym e u daw pynngat ya oo ha ki kyndon aiñ.
U Anjan da chah ujor u leh ha ki artylli ki kaam ha u snem 2014 ha Sardar Police Station wa da thok poisa u T. 19.50 Lak na ki arngut ki bru.
Ki pulit da rah noh ki ya oo ynne hi i janmiet cha Kolkata khnang wow pynmih ya oo ha yung Kasari ha Kolkata.
Discussion about this post