Shillong: Ka Regional Chess Meet 2017 wa 3 sngi wa pynman da ka Jawahar Navodaya Vidyalaya, Niangbari, Ri Bhoi District ha ka skur JNV da poi ko chawa kut ynne ka sngi.
U Deputy Commissioner Ri-Bhoi District, Nongpoh, u C.P. Gotmare da wan u kam kongsan heiwa 314 ngut ki khynnah puræ na 51 tylli ki skur na kylleiñ ka thaiñ mihsngi da wan chimbynta ki.
U Deputy Commissioner da yaroh u ya kiwa jop kamjooh ya ka skur wa da ye ko u pynman ya kani ka yakop yaleh Chess kawa man kam ka rynsan wa kiwa em yei sap u tyrchaiñ ki.
Ka K. Sagarika, Principal JNV, Niangbari hei klam yong ka da e khublei ko ya waroh kiwa wan chimbynta, kiwa sikai, kiwa bichaar kiwa da krehlang yow man kani ka lympung kawa jop heiwa da em hadooh 60 ngut kiwa sikai kiwa wan synran ya ki khynnah.
Kiwi de kiwa klam ha kani ka sngi toh u T.H.B. Singh, Secretary Meghalaya Chess Association, u J.P. Choudhary, PGT wa u R.K.Jha uwa pyllai ya ka yalang. Ka sngi da kut ko deiwa saam ya ki Certificate cha kiwa chimbynta wei ya kiwa jop daw pynbna won hadien.
Discussion about this post