15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chah kem u pulit DSP ka J&K wa ki 3 ngut damok kieñ suloi

0 Comments

U heh pulit ka Jammu and Kashmir da chah kem u ha Kulgam District chirup wa 3 ngut ki damok kieñ suloi (Terrorist).

Uni u heh pulit toh uwa kreh ha Anti-hijacking Unit ha Srinagar International Airport, wei i chah kem uni u heh pulit da pynkhyrngiat i ya waroh ki heh pulit ha kylleiñ neibhah da jooh emkti u wow yaleh pyrchah ya ki damok ha Jammu and Kashmir.

Ka yutip da ong wa uni u heh pulit toh u Deputy Superintendent of Police (DSP) u Devinder Singh, heiwa da chong kari u chirup wa u heh ka seiñ Hizbul u Naveed Ahmad Shah ya uwa khut sin kam u Naveed Babu wa kiwi tawon.

Ki pulit da ong ki wa da apsiar ki yei klam phone u Naveed heiwa da tip daw lai u cha Jammu wei heitæ da yangkhap ki ya kani ka kari wa lai heiwa da yoh kem ki ya waroh, uni u DSP wa kini ki damok.

Da ong wa uni u DSP da kam u wa dang pyrchang u wow yaklam wa kini ki damok wow wan pyndem noh ki.

Hadien ini ki pulit da lai kynreh ki leh ya i yung u Debinder ha Indra Nagar, Srinagar wa ha Tral, Pulwama District wei da chem ki 3 tylli ki suloi AK-47 wa 5 tylli ki Grenade.

Hadooh ynne ka sngi da booh ya 2 tylli ki FIR pyrchah ya u Devinder.

Uni u heh pulit toh uwa da yoh ya ka President’s Police Medal ha ka Independence Day yong u snem wa dadep.

Share this:
Previous

Dawa takit ka LJP yei phah thied dawai ki Doctor da kiwa syad dor

Next

Emkaam wow khyrngiat noh ka War Jaiñtia yow lait na i thombor ha ki nong Bangladesh