Chah kem u pulit ka Assam wa baam tangka

Ka Directorate of Vigilance & Anti-Corruption, Assam ynne da kem ko ya uwi u pulit wa man kam u ASI uwa tip kam u Hitush Nath uwa kreh ha ka Abdullapur Police Patrol Post ka Hilakandani, District ka Assam.

Ya uni u pulit da em hadien wa baam tangka u Rs. 10,000 yow pynbait yei ya kajia ki ar liang.

Kani ka chnat wa pait ya ki kaam baamtooh hapoh ka Assam neipor cheipor da kem ki ya ki bru wa baam tangka khamtam kiwa kreh hapoh ki chnat sorkar heiwa ya ka 30 tarik u Naikhynde da kem ya u Nakbor Ali, uwa man kam u dalal ha ka Lahorighat Revenue Circle hadien wa baam poisa u deiwa ya krehlang wa u Reba Kt. Bhuyan, Lot Mandal, Lahorighat Revenue ka Moraigaon District, Assam heiwa da kem leh ya u Reba uwa da paan poisa na ki bru lyngba u Nakbor.

Ha ka jooh ka sngi da kem leh ya u Dulai Ch. Baniya, Lot Mandal ka Naryanpur Revenue Circle, Lakhimpur na yung u wa em ha Dhalpur neidaw wa chim poisa u yow pynkylla ya ki kot ki sla ki bru yow yoh myntoi ki.

Related posts

Chah thok poisa ki bru ha kiwa kam toh kiwa kreh Bank

May 23, 2025

Kyntu ka tre dukan ya kiwa tipmit ya uwa tooh poisa wow pyntip cha ka

May 21, 2025