U sahep ka Assam Civil Service (ACS) da chah kem u ynnin ka sngi ha ka Chief Minister’s Special Vigilance Cell deiwa chah pynbaad wa da mahajon u palat yeiwa ye u wow pynmih poisa.
Uni u sahep sorkar toh u Saibar Rahman, uwa da chah takit hadien wa yoh ujor wa u Rahman heipor wa man u kam u Additional Deputy Commissioner ha Dhubri, da thied thaw u deiwa leh pyrchah ya ka aiñ wa deiwa leh tooh.
Katkam wa pyntip u SP ka Vigilance Cell, da chem wa u Rahman da em u ki thaw ki bhaw wa chongdor palat T. 100 klur wa kynthup ya 89 tylli ki thaw wa em hei pyrtuid ki arngut ki kurim u.
Ka takit da chem ko wa em u ki thaw nadooh ki yung, ki kari wa kiwi kiwi kiwa man ki yong oo kiwa chongdor T. 6.38 klur, iwa man palat 95% na iwa ye u wow pynmih poisa.
Da kem ya u Rahman hadien wym ye u wow pynyoo ya ki kot ki sla wa biang wei ya ini waroh toh iwa da leh u nadooh ka 23-06-2002 hadooh 30-04-21.
