U Montri Rangbah ka jylla, u Conrad K Sangma ynne da wai u ya ka Mendipathar Facilitation Centre ha Mendipathar Railway Station, North Garo Hills deiwa emlang u Deputy Speaker, u Timothy D Shira.
U Conrad da ong u wa kani ka thaw daw booh yukheiñ ko ya ki bru wa wan psiah chapoh jylla wei daw pynsuk ko ya ki bor District wow booddien yei psiah i mih ki bru.
Da ong u leh wa ka luti rel hadooh ha Mendipathar man ko ka wow myntoi chiboon ya ki paidbah ka thaaiñ wa ka jylla Assam.
Chooh chooh da ong u wa kani ka luti rel ha Mendipathar da yarap bha ko ya ki paidbah ka North Garo Hills wow lai cha Guwahati kamjooh leh daw pynsuk ko ya ki warep na ka thaaiñ.
U Conrad da ong u leh wa nadooh wa em ka luti rel hadooh ha Mendipathar, ka sorkar da chna ko ya ka Food Park wa T. 100 klur ha kani ka chnong heiwa daw em leh ka Feed Mill kawa heh dooh ha thaaiñ mihsngi neidaw wa em kani ka luti rel.
