Uwi u Sub-Inspector ha Lucknow, u Dhananjay Singh da chah kem u ha ki pulit ka Anti-Corruption Bureau ka jylla Uttar Pradesh heipor wa baam poisa u Rs. 2 lak na u tre ka thaw puræ wa chah phareb wa slaitbor kynthai.
Ya kani ka poisa da dawa khnang wow pyndam yei pyrtuid uni u tre na i kaam slaitbor.
Ini da jia i ha i janmiet ka 29 tarik uni u bnai ha Paper Mill Colony Police Outpost hapoh ka Mahanagar Police Station heiwa da mih leh i Video wa chi minit wa pynyoo wa u Singh da paan u ar lak na u tre ka thaw puræ, u Prateek Gupta heiwa da booh u soo song ki kot 500 wei hadien da wan ki pulit ka Anti-Corruption wow kem ya uni u pulit.
U Singh da dawa chwa u Rs. 50 lak na u Gupta tangwa da pdiang chwa u Rs. 2 lak wei neiliang u Gupta da ujor u cha ka Anti-Corruption Bureau heiwa da pynkhreh ya ka poisa wa da em dak wei pyn da kani ka poisa da e cha u Singh.
Ya u Singh da pynngat hapoh ka aiñ Prevention of Corruption Act ha Aliganj Police Station.
Ini i kaam slaitbor toh iwa da jia ha uni u snem heiwa da mih leh i pyrtuid u Prateek Gupta, u tre ka British School of Language yeiwa da ujor da kawa sikai warim. U Gupta da kam u wa da leh kani ka bru yeini neidaw wa chah beh kreh ko wei oo leh da lait jamin u neidaw wym biang ki sabut pyrchah ya oo.
Neiliang ki heh pulit dang takit ki lada u Singh leh u yeini samen namo da em kiwi kiwa emkti wa oo.
Discussion about this post