Chah kem uwa kam ya idæ kam uwa kreh ka PMO yow kylli heiwon em ka jhaad INS Vikrant ka Indian Navy

Ki pulit ka Kochi Harbour Police da kem ya uwi u bru uwa na Kozikhode uwa tip kam u Mujeeb Rahman uwa da kam ya idæ kam uwa kreh ka Prime Minister’s Office (PMO) deiwa Phone ya ka Kochi Naval Headquarters wa em ha jylla Kerala yow kylli heiwon em ka jhaad kit lieñsuiñ ka Navy kawa tip kam ka INS Vikrant heipor wa pynkrehkaam ya ka Operation Sindoor.

Hadien wa Phone uni u bru, da lai ujor ki heh ka Navy cha ki pulit kiwa da pynman ya ka takit wei da pynngat ya u Rahman ha ka kyndon Section 319(2) ka BNS.

Ki pulit da chem ki ya u Rahman deiwa bood ya ka Landline Phone wa pynemkaam u wei kattæ dang em u hei chah takit wei da chimkhia ki yeini neibhah wa ye u man u bru wa pyrchah ri.

Hawa Phone u cha ka Kochi Naval Base heipor 9:00 waje i miet ka 9 tarik uni u bnai da ong u wa i pyrtiud u toh u Raghavan tangwa da suba wa uni u bru em u i thmu wa sih.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Neiliang kiwa ha-yung ha-sem u da ong ki wa u Rehman ymtoh uwa biang i pyrkhat pyrdaiñ wei da chimtom u nadooh u snem 2021 wei da Phone u neidaw wa mih boon ki khubor thok wa ka INS Vikrant da siat ko ya ka Karachi Port.

Ka takit dang lai ko chakhmat yow pyntikna yeini waroh wei lada leh u yeini deiwa ya krehlang wa kiwi.