Chah kem uwa kreh Bank wa thok ya ka bru wa 60 snem hadooh Rs. 10 lak

Ki pulit ka Cyber Crime da kem ki ya u bru wa 32 snem uwa kreh ha Bengaluru hadien wa thok u ya ka bru wa 60 snem hadooh Rs 10.62 lak.

Ya uni u bru da tip kam u Prathap Kesari Pradhan, uwa kreh ha AU Small Finance Bank ha Bengaluru.

Katkam wa pyntip ki pulit ka Hyderabad, u Pradhan da emkti u ha ki 7 tylli ki Case ha kylleiñ ka India wa ar tylli ha Telangana.

Kani ka bru wa chah thok da ujor ko wa ha ka 4 tarik u Naiynñiaw heipor 10:00 waje i step da yoh Phone ko na u bru wa kam toh u Pradip Sawant deiwa ong wa oo toh u sahep pulit na Andheri East, Mumbai.

Related posts

Chah tooh Scooty biang sa kawi ha Jowai

September 20, 2026

25 snem phah kset ka yung bichaar ka East Jaiñtia ya uwa slaitbor ya ka khynnah boonsien

September 17, 2026

Heini yaklam Phone da pyntip u wa da em ka Case wa da register pyrchah ya kani ka bru wei da pyntieñ u ka wa ye ko wow chah kset hadooh 3 hadooh 11 snem wa ka kuna wa Rs. 15 lak lada ym krehlang ko wa ki pulit.

U Pradhan chirup wa ki lok u da leh ki ya kani ka kam thok bru wa tip kam ka Digital Arrest heiwa lyngba ka Video Call wa kani ka bru kawa da neh hadooh 6 kynta da kam ki wa ki toh ki pulit wa ki heh ka RBI, heiwa da phah ki ka wow su ko Rs. 10 lak tam yow lait ko u chah kem.

Nei tieñ da phah ko ya kani ka poisa wei ki won da phah ki ya ki kot ki sla thok wa em hei pyrtuid ka CBI, RBI wa ED chirup wa ka ID Card.