Ki pulit ka Uttar Pradesh da kem ki ya uwi u Kashmiri uwa mut u leh namaz hapoh ka Ram Mandir, Ayodhya wei ya uni u bru da tip kam u Ahad Sheikh.
U Ahad Sheikh da psiah u hapoh ka Ram Mandir ha ka 9 tarik hajan ka Sita Rasoi heiwa da pynkhreh u wow leh namaz tangwa ki bru wa ki bor sonteri da yoo ki yeini heiwa da ksoh ki oo wei da e kti ki oo ha ki pulit.
U Ahad Sheikh toh uwa 55 snem na Shopian District ka Kashmir wei kiwa ha-yung da kam ki wa ym em biang i bor pyrkhat u deiwa pynyoo leh ya ki kot dawai u na Psychiatry Department ka Srinagar Medical College.
Neiliang ki pulit dang takit ki kammon yoh u Ahad wow psiah chapoh Mandir i thaw wa khlan bha ki bor yada.
Discussion about this post