Ki BSF ka 193 Battalion ha ka 19 tarik uni u bnai heipor wa dang lai uiñ sonteri ya u pood ka jylla ha ki bynta ka East Khasi Hills waka Bangladesh, da yoh ki wow kem ya u bru deilang waka kari wa kit boon bha ki reiñ mooid wa da song ha boon tylli ki churia kiwa da mut u wow chalan tooh cha Bangladesh.
Ynne won kani ka jooh ka Battalion da yoh ko wow kem yei kiad wa chongdor Rs. 13 lak kiwa da thmu wow chalan tooh cha Bangladesh.
Ha ka 17 tarik won kani ka Battalion da yoh ko wow kem ya ki mar wa boon jait nadooh ki biri wa ki mar baam chongdor Rs. 16 lak kiwa da thmu wow chalan tooh cha Bangladesh.
Ka 4th Battalion won ha ka jooh ka sngi ka 17 tarik da yoh ki wow pynlait ya 12 tylli ki mooid katwa ka 200 Battalion won da yoh ki wow kem ya kiwa boon ki that ki nep na khappood.
Discussion about this post