Ha iwi i kaam thok namo Cyber Fraud, uwi u bru da pyndur u wa toh u Vivekanand Singh Rathore uwa man u sahep IPS kamjooh u SP ka Ri-Bhoi District, deiwa pynemkaam ya ka Account wa chna thok hei pyrtuid u SP ha Social Media wow yaklam wei thok chukor ya ki bru.
Ha kani ka kynti uwi u bru da phah poisa u cha uni uwa pyndur toh u SP wei hadien da ujor noh u ha ki pulit.
Ya ka Case da register ha Nongpoh PS katkam ka Case No. 28(05)2026 hapoh ki kyndon namo ki Section 318(4)/319(2) ka Bharatiya Nyaya Sanhita wa ki Section 66C/66D ka Information Technology Act.
Manda pynman ya ka takit da kem noh ya u Jahul Ali ha ka 23 tarik uni u bnai uwa ma u khon u Farukh Khan uwa na ka chnong Kakrali Meo, Alwar, wei i thaw wa kem oo toh na Jaipur, Rajasthan.
I kem ya u Jahul toh hadien i takit wa bniah deiwa booddien thij-pa-thij.
Discussion about this post