Chah kem uwa sah ha Shillong ha ki pulit ka East Jaiñtia deilang i drugs wa chongdor Rs. 40 lak

Ki pulit ka Anti-Narcotics Task Force (ANTF) Meghalaya deilang ki pulit ka East Jaiñtia Hills District deiwa ya krehlang da yoh ki wow kem ya uwi u snar khayi drugs heiwa na uni da yoh wow kem 9 tylli ki khieh sabon wa em 91.86 grams i Heroin.

Neiliang u SP da pyntip u wa ki pulit da yoh khubor wa tikna ki hei miet ka 16 tarik heipor kamwa 10:00 waje wa uwi u bru uwa tip kam u Isak L. Joute (26 snem) daw wan u na Churachanpur, Manipur cha Shillong da kawi ka Bus wei da kitlang u wa i drugs.

Kamtæ ki pulit da pynman ki yei pynsangeh kari ha Byndihati wei heipor kamwa 2:15 i sngi ka 17 tarik, da pynsangeh ya ka Bus wa em Number AS-01-JC-4999 kawa wan na Silchar cha Shillong heiwa da chem leh ya u Isak uwa sah ha Madanrting, Shillong wa em u hapoh kani ka Bus.

Hawa kynreh ya uni da chem ya ki 9 tylli ki khieh sabon wa em 91.86 grams i Heroin wa chongdor Rs. 40 lak.

Related posts

Na krem mooyong wa em ha Rymbai chem yei metyap uwa wiar deilang ka kari | Chah kem le ngut

July 3, 2026

Yoh kem drugs ki pulit wa chongdor Rs. 10.8 klur

June 26, 2026

Ya u Isak da kem wei da pynngat hapoh ka aiñ NDPS Act wei ka takit dang lai ko yow chem ya kiwi de kiwa emkti.

Ki pulit da pynchlur ki leh ya ki paidbah wow wan chakhmat yow pyntip ya kiwa emkti ha kini ki jait kaam wei daw murieh yei pyrtuid ki.