Ki pulit ka Mumbai ynne i step da yoh ki wow kem ya uwi u bru uwa da suba wa emkti wow dung ya u Saif Ali Khan iwa da jia ynnin i step synyaaw ha yung wa sah u ha Bandra wei da wanrah ya uni u bru cha Bandra Police Station yow kylli takit ya oo.
Katkam wa yoh u riñ da ka CCTV wa em ha kani ka yung, da yoo ya uwi u bru uwa da chynna bha leh yei dur u wei da yoh wow riñ oo heipor wa hiar u ya u rana ha ka bynta ka mala wa 6 heiwa u Saif Ali Khan sah u ha ka mala wa 12.
Ha iwi won i liang da pyntip wa i bynta ka tari wa kheiñ kawa da sahkut ha ryngkhi u Saif da yoh wow sai ka wei da em ko ha ki pulit kattæ.
Ki pulit da suba ki wa uwa emkti hadien wa leh u yeini i kaam da yut u cha Bandra Railway Station wei da ku da kawi ka Local Train wa nyngkong dooh hei step wei da lai u cheiliang Vasai Virar.
Neiliang ka kurim uni u bru uwa wa chah kem uwa tip kam u Waris Ali da ong ko wa u kurim ko da lai u cha kani ka yung neibhah oo man u kam u mistri wei da khut u Manager kani ka yung oo deilang wa 5 ngut kiwi wei manda dep kreh u te mih liwan u kamwa da yoo wa chah riñ u ha ka CCTV wei da liwan u cha yung, wei du hadien won tip khubor ki yeiwa jia wei ki pulit leh da wan kem ki oo na yung u.
Ki pulit leh hadien wa takit ki ya uni u bru da pynlait noh ki oo.
Discussion about this post