Uwi u khynroo uwa dang hapoh 18 snem uwa na Etah District ka Uttar Pradesh da chah kem u ynnin ka sngi hadien wa thap Vote u hadooh 8 sien cha u kyrtong ka BJP wei da leh u yeini deiwa riñ Video ya idæ hapoh ka Polling Booth wa em ha Farrukhabad Parliamentary Constituency wei ini i Video da poor i leh kylleiñ kylleiñ hadooh wa da pynpoor kylla ki leh da u heh ka Samajwadi Party, u Akhilesh Yadav wa u heh ka Congress u Rahul Gandhi.
I thap Vote ha Farrukhabad toh iwa da dep pynman haka 13 tarik uni u bnai wei uni u khynnah toh u khon u Anil Singh Thakur uwa man kam u Gram Pradhan ka chnong Khiriya Pamaran wa em hapoh ka Etah District.
Ha ini i Video uni u khynnah da ksoh u chibet deiwi chibet deiwi ki ID thap Vote yong kiwi ki bru wei da niaw u leh katwon sien thap Vote u.
Hadien ini, neiliang u Chief Electoral Officer ka Uttar Pradesh, u Navdeep Rinwa da pynbna u wa da e FIR u pyrchah ya uni u khynnah.
Da pyntip u leh wa da phah Suspend wei u pynchitom ya waroh kiwa embynta u pynlai yaka Polling Station wei daw thoh leh cha ka Election Commission of India yow pynman biang yei thap Vote ha kani ka thaw.
Discussion about this post