Ha ka 31 tarik u bnai wa dep, ki chipai ka BSF Meghalaya deiwa ya krehlang wa ki pulit da yoh ki wow kem ya uwi u Bangladeshi na khappood ka East Khasi Hills uwa tip kam u Mohammad Mijan Mia (49 snem) uwa na Sunamganj District, Bangladesh.
Deiwa tip tikna, neiliang ki 193 Bn BSF Meghalaya deilang wa ki Meghalaya Police da yoh ki wow kem ya uni u bru na iwi i khloo wa em ha khappood ka India-Bangladesh.
Hawa takit ya uni u bru da phla u wa oo toh uwa yarap ya ki bru wow psiah ki pyrchah aiñ cha India wei man u leh kam uwa khayi tooh ya ki mar ki mata.
Ya uni u bru da e kti cha ki pulit ka Dangar Police Station yow pynman ki yei takit.
Ha ka 28 tarik ki chipai ka 193 Bn BSF hi, da yoh ki wow kem ya ki yitkhmat kiwa chongdor Rs. 10 lak na khapood ka East Khasi Hills heipor wa em kiwa mut wow chalan tooh ki cha Bangladesh tangwa kini ki bru da yoh ki wow yut neidaw wa miet.
Ya kini ki mar da e kit cha ki Customs Office wa em ha Dangar.
Discussion about this post