U SP ka East Jaiñtia Hills da pyntip u wa ki pulit ka ANTF deilang wa ki pulit ka Lumshnong PS hadien wa da tikna wa daw em i pynpoi drugs na Assam, kamtæ hei miet ka 27 tarik hadooh ynne ka sngi da thooh ki ya kini.
Ha ini da yahkhmat da u Jason Myrom, MPS, DySP (HQ), Khliehriat heiwa da yoh ki wow kem ya uwa dai wei khayi drugs wa tip kam u Nisooki War (29 snem) uwa na Lamyrsiang heiwa na oo da yoh 17 tylli ki synduk sabon wa em Heroin wa khia 201 gram wa ar tylli ki Mobile Phone.
Ya ka kari wa da kem toh ka kari kamai kawa ym tip iyi iyi leh chaphang ini i kit drug nadooh uwa yah kari kamjooh kiwi kiwa em hapoh ka kari kamtæ ym em kem ya kani ka kari.
Chooh chooh hadien wa takit da chem wa uwi u pulit ABC/85 Triplepear Pasi naka East Jaiñtia Hills DEF leh da emkti lang u wow yarap ya uwa chah kem yow leh yeini i kaam pyrchah aiñ kamtæ ya oo leh da kem.
Heiyatoh wa ini, ka Lumshnong PS da pynngat ko ya kini ha ka Section 8(c)/21(b)/29 ka aiñ NDPS.
