theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Ka kjut Hepatitis toh kawa ktah ya u nood wei man ko kawa maa bha

Advertisement ad1

Ka World Hepatitis Day hajrong ka phang “Bringing Care Closer to You- Hepatitis Can’t Wait” da lehwarom ya ka ha ka OST Centre, Khliehriat Civil Hospital, East Jaiñtia Hills District.

Ya kani ka Programme ynne da pynman da ka yung krehkaam u District Medical and Health Officer, East Jaiñtia Hills District, Khliehriat heiwa u Dr. Dominic Shylla, District Medical and Health Officer da man u kam u kongsan.

U Dr. Dominic Shylla, hawa e yei klam da ong u wa ka kjut Hepatitis toh kawa at u nood namo u Liver wei man ka kjut kawa maa bha.

Da pyntip u wa na ki 5 tylli ki jait Hepatitis (‘A’, ‘B’, ‘C’, ‘D’, & ‘E’), ka Hepatitis ‘B’ wa ‘C’ toh kiwa rap ware, wei ye u yada deiwa chim ya i tika (Hepatitis ‘B’ Vaccine) wei ye u sumaar da i dawai heiwa i test ya ini i kjut ye u yoh na waroh ki thaw sumaar ki bru samen wa yong ki yong ka sorkar.

Da ong chooh chooh u wa kani ka kjut poor ko ha u bru hadien wa bi i snaam næ ka um (body fluid) yong ki bru wa em kjut, næ neiwa pynemkaam ya i baam wa ka um wa tngit (contaminated food and water).

U Dr. J. Nongtdu, Medical Officer, OST Centre, Khliehriat Civil Hospital da ong u wa kiwa dung drugs toh kiwa em hei maa neibhah kani ka kjut smat ktah bha ko ya ki nei pynemkaam da u jooh u thyrnia.

Hajrong ka phang “Bringing Care Closer to You- Hepatitis Can’t Wait”, da ong u wa i leh ya ki test, wa khamtam katni i sumaar da yajan bha i wa ki paidbah wei da ye leh wow sumaar ya ini i kjut pyn ha Khliehriat Civil Hospital.

Kiwi kiwa da klam ha kani ka sngi toh u Ariston Dhar, DPM, NHM, East Jaiñtia Hills District, ka Sophia D. Dkhar, PHN, NHM, wa kiwi kiwi.

Share this:
Previous

Chah kem uwi deilang wa u pulit wa emkti hei khayi drugs

Next

Chi rta phah kset ka yung bichaar ya le ngut kiwa tynyap bru