Chah kem uwi hadien wa pynkhai pariam-kti pyrdi ya ki pulit

Jowai: Ynnin i sngi ka 13 tarik ki pulit ka Jowai Traffic Police da kem ki ya uwi u bru wa tip kam u D. Chyrmang uwa na chnong Mihmyntdu hadien wa pynkhai pariam-kti pyrdi u ya ki.

Ini da jia i heipor wa ki pulit ka JTP dang sylli kot ki sla kari ha Soomer wei uni u bru uwa chong hapoh kawi ka kari Private da lai lyngba u na khmat yong ki wei da pynkhai u ya ka pariam-kti pyrdi u ya ki.

Mar ya yoo yeini ki pulit da kdong ki ya kani ka kari wei da yoh u ksoh ya ka ha Mihmyntdu wei da pynkit ya u Chyrmang cha Jowai Police Station wow leh yeiwa emkaam.

Ki pulit da ong ki wa u Chyrmang toh uwa da muaid wei da daiñ kuna ya oo hadooh T. 5000

Related posts

Chah dung ka kynthai wa na Assam hadooh wa yap pyn ha u chan ko ha Bengaluru

November 28, 2024

Chah tooh ka yungmane ka Balang Unitarian ha Shillong

November 28, 2024

Ki bor pulit ka jylla jooh pynchitom ki ya ki bru wa leh kaam pyrchah ya ka imlang sahlang katkam ka kyndon Section 110 yong ka Meghalaya Police Act da ka kuna wa T. 5000 lada man ko ka sien wa nyngkong wow leh kamni wei lada chem wa leh biang yei jooh ka kuna u man ko ar chah (double).