Hadien wa tip tikna, neiliang ki pulit ka Sohra PS Mobile Patrol da pynman ki yei pynsangeh kari ynnin ka sngi wei heipor kamwa 4:00 waje i janmiet da wan kawi ka kari Maruti 800 kawa em Number AS-01AP-0928 tangwa ym bien ko wow sangeh wei da yut ko na ini i thaw.
Kamtæ da kdong ya kani ka kari wei da yoh u ksoh ka hajan Seven Sisters Falls Viewpoint wei da kem ya uwa yah kari deilang kiwa em hapoh deiwa rah ki leh cha Sohra PS.
Uwi uwa em hapoh kari da pyntikna toh uwa na Bangladesh uwa tip kam u Robiul Islam (32 snem) uwa chong chnong ka Tengra Khali, Paderhat, Pirojpur, Bangladesh.
Uni u bru toh uwa kreh kam u Electrician ha Bangalore wei da kwah biang u wow lai cha Bangladesh. Ka takit da chem ko leh wa uni u bru da psiah da mih u dei langær cha Bangladesh deiwa pynemkaam da kani ka luti.
Deilang wa oo da yoh leh u kem ya ki arngut kiwa yarap ya oo kitæ u Sujit Hajong (32 snem) wa u Ravi Singh (38 snem) kiwa waroh ar na Ichamati Bazaar, East Khasi Hills. Da phla ki leh wa ki toh kiwa yarap yei lai i wan uni u Bangladeshi.
Ka takit dang lai ko chakhmat wei da pynngat ya ki hapoh ka aiñ The Foreigners Act.
Discussion about this post