Ha iwi i jia wa phylla, ki pulit ka Bengaluru, da kem ki ya uwa 23 snem i rta uwa tooh ya ki patlun-poh ki kynthai na ki yung sah ki bru wei ini da pynkhyrngiat i ya kiwa boon khamtam ki pulit wa takit ya oo.
Ya uni u bru da tip kam u Amal N. Aji, uwa na Kerala heiwa ki pulit na Hebbagodi da ong ki wa uni u bru da leh u ya kini ki kaam ha thaaiñ Vidya Nagar, Bengaluru la kattu katni por.
Ki pulit da ong ki wa u Amal jooh uiñ u ha ki thaw wa sah ki bru heiwa jooh thaad that ki kynthai ha Balcony wa tnoom yung wei jooh tooh u ya ki that ki heipor wym em bru.
Ini waroh da mih pyrthai i heipor wa ki pulit ka Hoysala Police Patrol da yoh ujor ki wa em iwa yoo suba phylla ki wa jia hajan yung ki wei manda poi ha ini i thaw da yoh ki wow kem ya u Amal.
Hawa takit wei pait ki pulit ya ka Mobile Phone u da chem ya ki dur wa ki Video wa sap u ya kini ki sula wa tooh u.
Da lai kynreh ki leh yei kamra u heiwa da chem chiboon ki patlun-poh wa ki sula kynthai wa tooh u na ki jan yung.
Chooh chooh ki pulit da suba ki wa u Amal chitom u hei bor pykhat wei i takit dang man iwa lai chaphrang.
Discussion about this post