Chah kem uwi wa chim poisa na ki 3 ngut ki MLA ka Arunachal Pradesh yow yoh man montri

Uwi u bru wa kam wa yajan bha wa uwi u MP wei man u leh kam u Personal Assistant yong oo da thok da chukor u ya kamwa le ngut ki MLA ka Arunachal Pradesh deiwa chim poisa u na ki deiwa kular wow pynyoh kyrdan montri ya ki hapoh ka sorkar jylla ki.

Ya uni uwa chah pynbaad da tip pyrtuid kam u Sanjay Tewari wei da kem ya oo na yung u wa em ha Delhi hadien wa pyntip cha ki pulit ya kani ka kaam.

Ha ka ujor wa e da kini ki le ngut ki MLA ka Arunachal Pradesh da ong wa u Sanjay Tewari da wan yachem u wa ki ha kawi ka yalang wa pynman ha Delhi ynnin u snem wei da pyntip u deiwa kam wa man u Personal Assistant uwi u MP, wei da kam u wa ye u yarap ya ki ha kiwon kiwon ki kaam saiñ hima sima.

Hadien kattu katni por, kini ki MLA da yaklam biang ki wa u Tewari deiwa ong ya oo lada ye u yarap ya ki won yoh kyrdan montri ki hapoh ka sorkar Arunachal Pradesh.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Neiliang u Tewari da kular u ya ki wow yaklam u wa u MP tnagwa emkaam wow phah poisa (Transfer) ki cha ka Bank Account yong oo tangwa hadien wa phah poisa wiar noh u.

Hadien ini, kini ki MLA da sñiawthooh ki wa da chah thok ki manda yachem ki wa u MP uwa ong wa ym tip u chaphang ini waroh.

Kamtæ u MP (wa ym pu em pynmih pyrtuid ki pulit) da sñiaw u wa da chah pynemkaam bakla yei pyrtuid yong oo, da yachem u wa ki pulit ka Delhi wei da kyntu u ya u Commissioner wow chimkhia ya kani ka kaam.

Katkam wa ong ki pulit wa hadien wa takit ya u Sanjay Tewari da chem wa ym em tipmit u ya u MP wei da leh u ya ini wa em chwa kiwa yaklam wa oo.

Ki pulit da kem ki ya u Sanjay wei ka takit dang lai ko chakhmat.