Kiwa chong chnong ka Daistong kiwa da rah lama rong yong yow lai chibynta ha ka Public Hearing wa pynman ka Meghalaya State Pollution Control Board ha Khara Siang Lum Pyrshin, Daistong, Elaka Nongkhlieh kawa man leh ka thaw wow chna ya ka Shree Cement Limited, ym em yoh laad ki wow chimbynta ha kani ka pynsñiaw paidbah yow pynyoo yei pyrchah.
Da pyntip ki wa da wan ki nadooh 5:00 waje ynne i step tangwa waroh soodong kani ka thaw da em ki bru wa yang yow lait ki u psiah.
Da ong ki leh wa kini ki bru toh nadooh ki bor District kamjooh ki Volunteer ka Shree Cement ki wym e laad ya ki wow psiah ki.
Kawi ka manbei da beiñ ko ya u Dolloi ka Elaka deiwa ong wa rhah poisa u wei da beiñ ko leh ya u waheh chnong uwa da e NOC khlem da tip ka chnong.
Kawi won da ong ko du neidaw wa wan kiwa na baar da hap wow yachruit para chnong wei kini kiwa baar daw chim lut ki yei ksiar i rupa, ka umngap i dud wei daw ieh chrah ki ya ka chnong ka thaw.
Discussion about this post