Shillong: Heiyatoh wa i maham ka HNLC ya ki Khar Metor wa sah ha Sweeper’s Colony ka Them Iewmawlong, da poi leh ka ujor cha ka sorkar pyrdi kawa da pynman yaka sorkar jylla wow chah khut hajir ha ka Ministry of Home Affairs (MHA), wei neiliang u symbood montri rangbah u Prestone Tynsong da ong u wa ka MHA da khut ko yaka yalang waka sorkar Meghalaya wow yaklam, wei neiliang ka sorkar da phah mihkhmat ko da u Principal Secretary ka Urban Department.
U Prestone da ong u leh wa kam kani ka yalang man ko kawa bha khnang wa ka sorkar pyrdi u tip ko ya i long i man yong kani ka kaam, neibhah wow ap du ya chilliang ym wanrah ya u soh, tangwa lada ap u sñiaw ya waroh arliang wei wow bichaar ya ki kot ki sla daw sñiawthooh wa kammon man kani ka kaam.
Discussion about this post