Shillong: U symbood montri rangbah uwa man leh u Chairman ka High Level Committee (HLC) neibynta wow kyrriah noh ya ki bru wa sah ha Them Metor, u Prestone Tynsong, da ong u wa ka sorkar ym kwah ko wow ong iyi iyi leh yei maham ka Hynniewtrep National Liberation Council (HNLC) ya ki khar metor wa sah pyrchah yaka aiñ ha Sweeper’s Colony, Them Iewmawlong, tangwa ka sorkar u pynbiang ko u yada ya waroh kiwa chong chnong.
Da ong u wa neiliang ka sorkar hadooh katni dang pynjoor ko wow sonteri ya kani ka thaw waroh 24 kynta wei da khang leh ya ka sarok wa lai lyngba na Them Metor wei ini dang neh i hadooh katni neibynta ka chnong chngain. Tangwa yeiwa maham ka HNLC ym em u iyi iyi leh wow klam wei man ko ka kamram sorkar wow e yei man chngain ya waroh kiwa chong chnong ka jylla khlem em i chong syier.
Da ong u leh wa i maham yong ka HNLC næ kawon kawon ka seiñ ym ktah ko yei thmu yong ka sorkar wow kyrriah ya ki bru na katai ka thaw wei ka sorkar ym e laad ko wow mankaam kiwon kiwon ki maham.
Discussion about this post