Ki le ngut ki kynthai ka Meghalaya kitæ ka Eiladki Ksoo, ka Ibashembha Khongsit wa ka Ibadarihun Nongsiej da chah kut ki wow chimbynta ha ki Trial ka Indian U-17 Women’s National Team kiwa daw pynman ha Bengaluru.
Kini ki le ngut da chah jied ki hadien wa lehbha ki ha ka Meghalaya Women’s State League heiwa ka Eiladki wa ka Ibadarihun toh kiwa yalehke ka Laitkor katwa ka Ibashembha won toh kawa yalehke ka Mawlum Tyrsad.
“Ini pynyoo ko yei lai ha ka luti wa biang wow pynheh pynsan yei yalehbol ki kynthai hapoh ka jylla yong i,” da ong u President ka Meghalaya Football Association, u Hamletson Dohling deiwa pynrap wa ini toh iwa pynchlur ya kiwi kiwa yalehke wow wan ki chakhmat yow chim yei thaw yong ki ha ka rynsan wa heh.
Da e mynsien u leh ya kini ki le ngut deiwa ong wow man kiwa leh khian, kiwa em yei mynsien yow tip yeiwa thymme wei lada jia katwa jia leh da yoh chwa ki yei yaroh wei da pyn-eh-daw pyn-eh-nasib u ki.
Chah khut ki le ngut ki kynthai ka Meghalaya wow chimbyna ha ki Trial ka U-17 Women’s National Team
© 2025 WYRTA Khubor Hei Ktien Pnar
Discussion about this post