Iwa man kam i thmu wow pynyoo wa man skem ka yalehbol ha India, da kylla pathan chei chah klam beiñ ya u Sports Minister ka ri, u Mansukh Mandaviya hadien wym tip u wow ong yei pyrtuid ki ar tylli ki Football Club wa pawnaam ka ri heipor wa yaklam u chaphang ka Indian Super League (ISL).
Ini toh iwa da jia ha ka 6 tarik uni u bnai heipor wa u Mandaviya dang yaklam u wa kiwa thoh khubor deiwa emlang u President ka All India Football Federation, u Kalyan Chaubey chirup wa kiwa mihkhmat ki Club yow pyntikna wa ka ISL 2025-26 daw sdang ko ha ka 14 tarik u bnai wow wan deiwa chimbynta waroh 14 tylli ki Club wei ini toh hadien boon bnai wa artatien.
Heipor wa u Sports Minister dang e u yei klam deiwa pynmih yei pyrtuid ka Mohun Bagan wa East Bengal, da ong pathan u “Mohun Began” wa “East Began” heiwa da sangeh u chipor yow pynbait yeiwa bakla u.
Ini i bynta wa klam u da pynpoor ki kylleiñ ki rynsan Social Media iwa da pynchrai ya ki paidbah wa maya bol neibhah ka Mohun Bagan wa East Bengal toh kiwa da em chwa da tam 100 snem nachwa wei da man ki kam u mooyurim ka yalehke ha India khamtam ha Kolkata.
Ki bru wa pynemkaam Internet da kylli ki kammon sang kat da u Sports Minister ym tip u tang yei pyrtuid kini ki Club iwa pynyoo leh yei wym em hi chimkhia yei yalehbol wot da ki bor sorkar.
Discussion about this post