Ka seiñ Meghalaya People United Front, ynne ka sngi da yoh ko yei ujor na ki paidbah wa chong chnong ka East Jaiñtia Hills hajrong i chah beiñ ksaw ki ha ki wakreh ka Ialong Tollgate.
Heiyatoh wa ini neiliang ka seiñ MPUF, hapoh i yahkhmat u Juny Phawa uwa man kam u President ka seiñ MPUF-Sanshnong Circle deilang wa u Kmenlang Siangshai wa man leh kam u General Secretary ka seiñ MPUF-EJHD, da lai yachem ki wa u Manager wa pynlai ya kani Tollgate tangwa ym em u yachem ki wa oo wei da pyrchang yaklam ki wa ki wakreh uni u Manager.
Ha ini i yachem ka seiñ wa ki bru yong u Manager da kular ki wow chimkhia yeini wow pynchitom ya kiwa emkti khamtam ya kiwa jooh klambeiñ ya ki paidbah.
Ka seiñ da maham joor ko leh deiwa ong, kani toh man ko kam i maham ya ki wakreh ha kani ka thaw wei lada dang pteiñ ki wow jrong thylliej wei wow klambeiñ ya ki paidbah, ka seiñ daw leh noh ko deiwa emkaam.
