theme-sticky-logo-alt
theme-logo-alt
Advertisement ad1
Advertisement ad1

Waroh ki skur ha palatsor leh man ki kiwa biang, ym miat wow yaknieh du ha kawi ka skur: Lahkmen Rymbui

Advertisement ad1
Advertisement ad1

Ynne ka sngi ka Meghalaya Board of School Education (MBoSE) da pynbna ko ya ki Result HSSLC wa SSLC, wei hawa yaklam wa u montri ka chnat puræ puthi ka jylla, u Lahkmen Rymbui da ong u wa em palat 34,000 ngut ha ka SSLC ki khynnah kiwa da Pass ha ka Exam, wei i Pass yong ki khynnah waroh man i 52.92%, heiwa da ong u wa ha uni u snem da e laad ya waroh ki khynnah wow yakhun ki khlem pynman ya ki Selection wei 18 hajar ngut ki khynnah toh kiwa da jooh yakhun teiñ ya kani ka Exam.

U Lahkmen da yaroh u ya waroh ki khynnah kiwa da leh bha ha ki Exam yong ki deiwa ong wa i wan ki chaphrang toh du nei kreh chitom yong ki neibhah wa ha ki chisnem tam wa dadep ym em hiwot u yoh ki wow lai tikna cha skur.

Advertisement ad1

Chooh chooh da yaroh u leh ya i krehchitom kiwa sikai kiwa da pyrchang wow hikai deiwa janai tam hapyrdi i eh i khoo nei em kani ka khlam.

Heiyatoh wa ki thaw puræ, u Lahkmen da ong u wa waroh ki skur ha ka jylla man ki kiwa biang, deiwa pynrap wa lada waroh ki khynnah kwah ki wow lai ha kawi donhi ka skur, ini ym man i iwa yahaap neibhah kamwa man katni da em ki Higher Secondary School ha waroh ki District ka jylla, wei lada ki khynnah angnood ki yei stat, lada puræ ki ha kawon kawon ka skur leh u yoh myntoi ki.

U Montri da ong u leh wa i long i man na ka khlam COVID-19, ki khynnah skur da miat wow em ki hajan ki chnong wa em ki, neibhah lada wan ki cha ki thaw sor daw chem chitom ki wow su ya ka bai skur, bai wai wa kiwi kiwi.

Da ong u leh wa kiwa sikai wa em ha ki thaw palatsor leh toh kiwa da pliah wei chong won ha i minot ki khynnah lada ha iwon iwon i man i long leh.

Share this:
Previous

Chah klambeiñ ki paidbah ka Ri-loom Jaiñtia ha ki wakreh ka Ialong Tollgate

Next

Ka MSPCB tip ko yei em ki karkhana pyrchah aiñ, du 3-4 tylli toh kiwa da yoh bor: HM Shangpliang