Chah ktah ki paidbah ka chnong Lama, EJH wa dooh bordiñ ko la soo bnai tam

Jowai: Hadien wa da dooh bordiñ la kamwa soo bnai kattu ha ka chnong Lama kawa em ha EJH neidaw wa sih u Transformer, u Marshall Biam ynne ka sngi da thoh u cha u AEE (Distribution) Sub-Division, Khliehriat, MeECL Office, Khliehriat heiyatoh wa ini i kaam.

Da ong u wa ha kini ki soo bnai da ktah ko hadooh kattæ kattæ ya waroh kiwa chong chnong wow pyndep ya ki kaam ki jaam yong ki khamtam ya ki khynnah wa lai skur wow khreh kot ki.

Chooh chooh da ong u leh manda em ki kaam mynsoo hawa ya tyrrah kari da man ko kawa chitom neidaw wa ym che ki Street Light wow ye u e yarap ya kiwa chem chitom.

Kamtæ kam u bru samen uwa kreh neibynta i bha i miat ka jaitbru da paan pynche u wa lada em i duna wa su ki paidbah ya ka bai bordiñ wei lada biang i su neiyi i daw won wym chna namo wow kylliang noh ya uni u Transformer iwa da sah da boon bnai.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Heijooh i por da ong u leh wa hanlada dooh ka bordiñ tangwa ka bai bordiñ (Bill) poi ko thij thij man u bnai.

Kamtæ da kyntu u ya ki bor wa toh u pait yeini wow chimkhia ki ya kani ka kaam yow yoh biang ki paidbah wow im kamwa jooh im ki khamtam ki khynnah wa dang lai skur.

Ya kani ka jooh ka ujor da pyntip wa da jia i jooh heiwa ha chnong Suchen da dooh bordiñ ki la chi snem 7 bnai wa ka chnong Deinsatlang kawa da dooh bordiñ nadooh u snem 2014.