Chah kyntait chnong ka wi ha Nonglatem neidaw wym e ya i thaw cha ka chnong

Jowai: Ka wi ka bru wa tip kam ka Plidis Mukhim kawa chong wa sah ha chnong Nonglatem kawa haap hapoh ka Nartiang Elaka da ujor ko ha u DC ka West Jaiñtia Hills neidaw wa thmu ka chnong wow chim yabor yei thaw yong ka.

Ka Mukhim da ong ko wa ka chnong kwah ko wow pynemkaam yei thaw yong ka wow chna Park wei wow booh karkhana.

Ya ini i thaw toh iwa da hiar pateiñ nadooh ka bei yong ka cha ka wei da sah ki ha kani ka chnong kattu la 70 snem wei ym jooh em pynkulmar chnong ki tangwa katni ka chnong da kyntait ki ya ka Mukhim.

Ha ka 03-01-18 da rai ka chnong wow pyndooh dieñ thang diñ ya ka, ha ka 30-01-2018 da pynbaad ki wa u Dolloi da chna tooh u ya ka Patta yong ka Plidis Mukhim, ha ka 15-03-18 ka Dorbar Chnong Nonglatem da pynbaad ko wa ka District Council da chna tooh ko ya ka Patta wei da chim leh ya ka rai wa ki khon ki ksu, ki kha ki man wa ki lok ki jor wym hoi de u psiah ki ha yung ka Plidis Mukhim.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da rai leh wow pyndooh Card Ration ha u snem 2021 wei da thooh laad ki wow pyndooh noh ya ka Jobcard ko.

Ka Mukim da pyntip ko leh wa da rai wym thoh Census de ya ka wei da ong ki leh wa ya ini i thaw toh wa da leh buit-tooh ka JHADC neibhah kani ka thaw toh yong ka chnong wei manda ong u pynyoo ya ka Patta leh ym e laad ki.

Da rai ka dorbar chnong leh wa lada poi kiwon kiwon ki Scheme hapoh ka chnong wa wa ym e de cha ka Plidis Mukhim wei ka chnong leh da maham ki ya ka leh wym chah u chna yulam ko wow pynpoi um cha ka hali wa mut ko u chna ha kani ka thaw.

Kamtæ da kyntu ko ya u DC wow leh yeiwa emkaam neibhah im ki hei syir mynsien.