Jowai: Ki ar ngut ki MDC, u Shembok Suchiang MDC ka 20-Muthlong-Sohkymphor Constituency wa u Nominated MDC u Sevenbron Tang ha kani ka Sngi Chohthat da wai ki ya ar tylli ki sarok chnong ha chnong Thadmuthlong West Jaiñtia Hills District wa da chna lyngba ka scheme Special Assistant Central Plan Scheme 2015-2016 ka Jaiñtia Hills Autonomous District Council (JHADC).
Ki tai ki ar tylli ki sarok toh kiwa em haka kyntoit Madan Thad wei sa kawi toh ka sarok khyndaw-bilat wa jrong kamwa 110 Meter wa da yarap da u Shembok Suchiang kamwa T. 5 lak, katwa kawi won ka sarok psiang wa jrong kamwa 220 Meter da yarap da u Sevenborn Tang kamwa T. 10 lak.
Ha chwa wow wai ya u sarok da em ka yalang wa tbian wa pynlai da u Chairman u H. Suchiang hei emlang u waheh chnong u Juhipaya Suchiang, u waheh dong u Nister Suchiang, u Marlious Lyngdoh dkhot chnong wa kiwa chong chnong.
U waheh chnong u Juhipaya Suchiang hawa klam da ong u wa ka chnong man ko kawa embhah dooh wow yoh ar ngut ki MDC ha kani ka thaiñ wei da pynsñiaw u leh yei sñiawngooh ya ki yeiwa pynyoh sarok ki kiwa man kam u thied snaam ka chnong ka chnat.
Neiliang u MDC ka thaiñ u Shembok Suchiang da kyntu u ya kiwa chong chnong wow sumaar ki ya kiwon kiwon ki yarap yoh ki neibynta ka myntoi ka chnong.
U Sevenborn Tang da kyntu u ya kiwa chong chnong wow man ki kiwa sñiawthooh yumut lang wa kiwa ya tylli wow krehlang nadooh ki waheh chnong wa kiwa mihkhmat khnang wa ka roi ka paar ku ko na ki por cha ki por neibhah lada ym em i sñiawthooh wa i krehlang ymye u pynku ya ka imlang sahlang.
Discussion about this post