Jowai: Ha i sylli namo ka Scrutiny ya ki kyrtong wa pynman ynne ka sngi hapoh ka jylla, ha ri-loom Garo le ngut ki kyrtong da chah kyntait ki.
Ki kyrtong wa chah kyntait toh kiwa mut wow yaleh Election na Rajabala wa Salsella ki Constituency wa em ha West Garo Hills District wa na Mahendraganj ka Constituency kawa em ha South West Garo Hills District.
Ka kyrtong ka North East India Development Party (NEIDP) na Selsella ka Arelitha K Sangma da chah kyntait ko neidaw wym em ko 10 ngut kiwa tyrwa (Proposer) iwa emkaam u em neidaw wa ka Party ym pu toh kawa da tipmit.
U kyrtong ka Aam Aadmi Party (AAP) u naka Rajabala Constituency u Milson Sangma da chah kyntait u neidaw wa ymye u wow pynmih 10 ngut ki Proposer yei pyrtuid yong oo.
Kini ki arngut da ye ki wow pynmih du uwi donhi u Proposer.
U kyrtong ka NEIDP na Mahendraganj u Serazul H Kharkongor da chah kyntait u neidaw wa ha u snem 2013 wa ym ye u pynyoo ya ka bai lut bai sep yong oo kamtæ u Returning Officer ym em pdiang de u ya oo.
Ha kiwi tawon ki District hapoh ka ri-loom Garo won lai bait ko wei ym em wa chah kyntait.
Discussion about this post