Chah kyntiñ ka Ropeway ha ka la’ær | Dang chna thymme ha Varanasi hei lut wa palat Rs. 800 klur

I Video wa da poor ha ki Social Media wa riñ ya ka Ropeway wa dang chna ha Varanasi, da pynkuslai ko ya kiwa boon heiwa da yoo wa ka thaw chong (Gondola) toh kawa da chah kyntiñ doi-doi ha ka la’ær wei kiwa pynemkaam Internet da kylli ki kammon da pynlut hadooh Rs. 807 klur wow chna ya kani.

I kreh ya kani ka Ropeway Transport System ha Varanasi, Uttar Pradesh toh kawa dadep palat 90% wei kattæ da sdang wow pyrchang namo wow leh ya ki Test hapyrdi ka Cantt wa Rath Yatra.

Neiliang ka National Highway Logistics Management Limited da ong ki wa kattæ man ko wow pyrchang donhi yow pyntikna wa man chngaaiñ wei biang lut waroh i jait wei iwa da pynbaad ki bru wa chah kyntiñ kani ka thaw chong ha ka la’ær toh iwa bakla neibhah wym em joor ka la’ær.

Da pynche leh wa da chna ya kani ka Ropeway wow krehkaam ko lada joor ka la’ær 30-40 Kmph wei da booh leh ki Sensor wow tip u pynsangeh ka manda joor ware ka la’ær.

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Kamtæ da ong wa ini i pynlai ya kani ka Ropeway man ko yow chem leh heiwon em i duna.