Chah leh beiñ ka khynnah wa 11 snem ha ki tre yung

Shillong : Ka president ka CSWO ka Agnes Kharshiing da ujor FIR ko ha ki police ka Laitumkhrah Police Station wa em wa booh wa kreh da ka khynnah wa dang 11 snem ha iwi i yung wa em ha Nongrim Hills.

Ya kani ka FIR da booh ha ka 12 tarik uni u bnai wei da kyntu leh ya ki pulit wow li pyllait ya kani ka khynnah na ini i yung wa suba wa chah dat chah choh ko wei kamjooh da pynkreh chitom ya kani ka khynnah.

Hei boodien ki pulit yeini i kaam, ki tre dong wa u waheh dong da ong ki wa ka tre yung da yut ko na yung deilang wa ka khynnah wa kreh ko hadien wa wan nyngkong kiwa kreh ka Childline.

Ya kani ka bru da tip pyrtuid kam ka Halbis Dkhar wei da pyntip won ki pulit wa da yut ko cha Jowai wei da kular ko wow wanrah ya kani ka khynnah ha ka sngi wa bood iwa mut hadooh ka 14 tarik tangwa ym em wan libooh ko ya kani ka khynnah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka President ka CSWO ong ko leh wa da em sabut ko na ki dur wa pynyoo wa kani ka khynnah toh kawa chah leh beiñ ha ka tre yung wei da kam ko wa kani ka khynnah da pynsait ki ka hadooh ka kymmor wa ki that ki sula yong waroh kiwa em ha ka yung em ki por hei miet wei lada kyntait ko da chah dat ko.

Ynnin won neiliang u Labour Inspector da pyntip u wa ka bei yong kani ka khynnah ym bien ko u li yah ka ka khon ko cha Shillong wei neiliang ki Police won da li thooh ki ka kani ka khynnah wei da rah ya ka cha Hospital yow pait u sylli ya ka da ki doctor. Neiliang ka khynnah won da ong ko wa ym em chah leh beiñ ko.

Neiliang ka State Commission for Protection of Child Rights (SCPCR), Meghalaya leh da dep thoh ki cha ki pulit yow kem ya kani ka tre yung.