Chah leh pynsih i thaw sah u VC ka NEHU

I thaw sah u Vice Chancellor ka NEHU, u Prof. PS Shukla da chah leh pynsih i ynnin i step synyaaw ka sngi Bibar heipor kamwa 2:00 waje haroh.

Hadien ini da wan ki pulit wa boon yow pyntikna wym em jia iyi iyi wa sñiawsih.

Ha ini wa jia, ki kchu syntu wa ki moo da pynemkaam yow timpiah ya ki yit ka thaw sah u VC deilang wa kawi ka kari wa em hajan kani ka thaw wei da em leh uwi u chrot bordiñ wa chah thang iwa da ktah yei krehkaam ki CCTV wa em heini.

Katkam wa pyntip ki pulit, u VC ym em u hapoh kani ka yung heipor wa jia ini wei dadep leh wow e FIR heiyatoh wa ini.

Kiwa lai puræ kamjooh kiwa sikai ka NEHU da pynman yakhih ki deiwa dawa wow hiar chuki noh u VC u wym bien wow pyndam yei thung kreh ya ki Registrar kani ka skurbah deiwa pynbaad wym man ki kiwa tip ya ka aiñ wow pynlai ya ka NEHU deiwa biang.

Related posts

Na ki 350 tylli ki Truck wa lai cha Bangladesh lyngba ka Dawki ha chi sngi, hiar cha 25 tylli hadien wa pynmih hukum ka HC

June 7, 2026

Chah kem uwa kreh sorkar hadien wa chem ya ka poisa wa palat Rs. 2 klur deilang ki yung ki sem wym yahaap wa iwa yoh tulop u

June 7, 2026

Sa kiwi ki dawa toh wow thung ya ki Pro-Vice Chancellor ka NEHU ha Shillong wa Tura najrong kiwi ki kreh wa lait.

Hei janmiet won kiwa pynman yakhih da lai tia ki chei thaw sah u VC tangwa u Magistrate wa em ha ini i thaw da pynbna u wym chem de ki ya u VC hadien wa jia ini wei ymtip cheiwon em u.