U Superintendent of Police (City), East Khasi Hills da pyntip u wa kam chibynta u pteiñ yow pyndooh yei pynthut ki tre kari kiwa da pyndait ya ki Silencer kiwa ood bha i sur kiwa lai wa wan ha Shillong iwa da wanrah chiboon i ktah ya ki paidbah miet wa sngi.
Neiliang ki pulit ka Shillong Traffic Police ha kini ki ar sngi wa dep da pynjoor bha ki wow pait yow chem ya kam kini ki kari heiwa da yoh wow ksoh ya 7 tylli ki thuk-thuk heiwa da pyndait biang da ki Silencer kamwa da em heipor wa thied wei da chah daiñ kuna ki leh.
Ka Shillong Traffic Police da kyntu ko ya ki tre kari kiwa da pyndait kam kini ki Silencer wow looid noh ki wei wow pyndait biang da kitu kiwa em heipor wa thied ya ka kari.
Chooh chooh da ong wa daw pteiñ wow leh yeini kamjooh wow pynkrehkaam ya kiwi ki kyndon ka aiñ Motor Vehicle Act wei daw pynchitom leh ya kiwa leh pyrchah.
Discussion about this post