15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chah lute i yung u Addl. Secy. ka sorkar Meghalaya

0 Comments

Jowai: Katkam wa pyntip ki pulit, ha ka 13 tarik uni u bnai, u Krantar Shabong da ujor u wa hei miet kani ka sngi da em ki damok wa psiah tooh chapoh ka Godwon ka Aimoris Marbaniang wa em ha chnong Mawlong, WKH wei da tooh ki ya ki muna skur, ki Shawl, ki jait baam wa boon jait wei waroh i dooh nong da poi i T. 45,000.

Ha ka 12 tarik ka Hasina Begum na chnong Shyamding, WGH da ujor ko wa hei step kani ka sngi da em kiwa lute ki i yung ko wei da rah ki ya i ksiar chiteiñ tula wa chong dor T. 10,000, ka Mobile Phone wa kiwi kiwi ki tiar.

Ha ka jooh biang ka sngi u Manent B Sangma na chnong Dimakgre, WGH da ujor ko wa heipor 1:00 waje i step da em ki bru wa sap Mask kiwa em kamwa 9-10 ngut da psiah yabor ki ha yung ko wei da kdoh ki ya oo wa ya ka kurim u da u tylle wei da dawa ki T. 5 lak tangwa da kyntait ki wow su hanlada chah maham ki. Kamtæ kiwa lute da tooh ki ya ka Mobile Phone uwa ujor waka poisa T. 6000.

Ha ka 8 tarik won u Ioanis Nianglang da ujor u wa ki le ngut ki bru wa sap Mask da psiah yabor ki cha yung u wei da rah ki ya ar tylli ki suloi kartus wa kawi ka pistol wei da dawa ki na oo T. 1 lak.

Ha ka 14 tarik won u Chinmoy P Gotmare, IAS, Addl. Secretary, Govt. of Meghalaya da ujor u wa da em ki damok kiwa psiah yabor chapoh yung u heipor 1:20 i sngi ha Kench’s Trace, Shillong wei da tooh ki ya ki khadu ksiar wa khia 5.27 grams, ki kpeiñ ksiar wa khia 40 grams, 25 grams wa 13 gram, ki poisa ksiar wa khia 25 grams / 10 grams, ki chah chkor ksiar wa khia 8 grams, kiwi ki jait ksiar wa khia 10 grams, i rupa wa da dep thoo wa khia 600 grams waka poisa T. 15,000 wei waroh ki mar wa chah tooh da poi ki kamwa T. 7 lakh.

Share this:
Previous

I thaw wow dai hajan ka Woodland Hospital, Soomer, WJH

Next

Ki prokram lehkmen Meghalaya Day ha Jowai