Jowai : Ha ka 6 tarik heipor kamwa 6 waje i janmiet, le ngut ki damok kiwa tymmoh khmat da wan ki da ka thuk thuk wa khlem number da lai ki cha ka NES Dkhiah petrol pump, EJH wei da lute ki kamwa T. 9,08,534 na u Manager wa kiwa kreh deiwa pynyang da ka pistol. Heipor liwan ki kini ki damok da siat ki leh cha suiñ.
Ha iwi tawan i jia ka Pynshai Phai na Mynso-B, WJH da ujor ko wa ha ka 1 Thohlakhmi heipor 7 waje i miet ynñiaw ngut ki bru da pakhot moo hi ha yung yong ka wei da maham ki ka leh kamjooh.
Kini ki ynñiaw ngut kynthup ki ya (1) Wanmi Rymbai, (2) Jefar Dkhar, (3) ka Iu Dkhar, (4) ka Luginal Dkhar, (5) ka Dora Dkhar, (6) ka Plentiful Dkhar, (7) ka Sharon Dkhar wa kiwi kiwi.
Ha ka 1 Thohlakhmu ka Luginal Dkhar na Mynso-B da ujor ko wa heipor kamwa 6.30 i janmiet ka Pynshai Phai wa u kurim ko u Remington Paslein da maham ki ya ka wa kiwa hayung yong ka.
Hei yatoh wa kini ki pulit da register ki ya ka case wei dang takit ki yeini waroh.
Discussion about this post