Chah lute kiwa kreh ka GVK EMRI 108 Emergency Services

Jowai: Katkam wa pyntip ki pulit, ha ka 17 tarik uni u bnai kawi ka kari Tempo da kylla ko heipor 12:20 i sngi kawa em ya i number ML-14-1678 wa yah da u Savio Ch Sangma hajan ka Civil Hospital, Ampati, SWGH. Ha ini i jia da mynsoo ar ngut kiwa em hapoh kani ka kari da mynsoo ki wei da kit ya ki cha Civil Hospital, Ampati yow yoh yei sumaar.

Haka 15 tarik u Kitlang Lato da ujor u wa heipor 12:30 i sngi da chem u wa 24 tylli ki Battery 600-AH-BBL Batteries wa chong dor T. 2,80,000 da wiar ki na i thaw ka M/s Bharti Airtel wa em hajan ka Star Cement Factory, Lumshnong (EJH).

Ha ka 13 tarik u Fr. Scaria SJ, Principal, Loyola College, Williamnagar, EGH da ujor u wa heipor 01:00 i step da em ki damok wa sap Mask da psiah ki cha kamra u wa em ha kani ka thaw puræ kiwa rah tari wei da kam ki toh ki dkhot ka ULFA, da kdoh ki oo wei da lute ki T. 22,000 wa kawi ka mobile phone.

Ha ka 9 tarik u Albert Thabah wa u Moses Nengnong kiwa kreh ka GVK EMRI 108 Emergency Services, da ujor ki wa heipor wa dang wan ki na Goalpara (Assam) yow lai cha Rongjeng, EGH da chah lute ki T. 12,700 wa ar tylli ki mobile phone ha Wakok NH-62, EGH.

Related posts

Yoh kem ki pulit ka East Jaiñtia ya uwa khayi drugs | Deiwa phla u yoh kem sa uwa na Shillong

October 15, 2025

Lait uwi nei chah lute | Noh ka thuk-thuk hapoh dooid | Chem leh ya u tyrnem

October 14, 2025

Ha ka 18 tarik heipor 4 waje i janmiet kawi ka truck wa em ya u number ML-09-3938 da kylla ko wei da ban ko ya iwi i yung u Phalo Das ha Rangatari Junction, SWGH. Ha ini i jia i yung da pra i malu mala wei ya uwi wa em hapoh ka truck uwa da mynsoo da kit ya oo cha PHC Garobadha yow yoh sumaar.

Ha ka 17 tarik won ki pulit da kem ki ya ki le tylli ki truck wa challan mooyong pyrchah ya ka aiñ kiwa em number ML-05H-6888, ML-05H-1588 na Byrnihat, Ri-Bhoi wa sa kawi wa em ya u number ML-05R-5150 na Lad Umsaw, Ri-Bhoi.