Uwi u bru uwa tip kam u Shambor Wahlang uwa chong wa sah ha Ïewmawlong, Ri-Bhoi District uwa kamai kari Tourist Guwahati-Shillong, da chah lute u Rs. 70,000 ka poisa ha ki bru wym ye u tipmit katwa dang chong pynwiar ngiah u ha Police Bazar (PB), Shillong hajan ka Taj Vivanta Hotel.
Ini i chah lute toh iwa da jia hei step ka 29 tarik u bnai wadep heipor 5:00 waje katwa uni u bru da wan kamai u na thaaiñ War wei da chong ngiah u ha katai ka thaw hapoh kari.
Hawa yaklam wa kiwa thoh khubor ynne ka sngi, da khana u wa da wan ki Dkhar kiwa da pynbaad u toh kiwa dih drugs kiwa da wai yaka dwar kari u wei da lute ki oo heiwa da yoh ki wow rah Rs. 70,000.
Da khana u wa kini kiwa lute oo toh kiwa em 4 ngut wei heipor wa yaleh pyrchah u ya ki da toh troh u chapoh ka muna wa kit ki wei heitæ da em ki thyrnia wa pynemkaam kiwa dih drugs wei kini ki bru da yut ki cha ka thaaiñ MUDA.
Neiliang uni uwa chah lute da lai ujor FIR u ha ka Sadar Police Station wei katkam i khana u, neiliang ki pulit da lai thooh ki ya kitai ki bru tangwa ym chem ya ki.
Chooh chooh da khana u wa neidaw wym tip u wow thoh FIR, da kyrpaad yaki pulit wow thoh yaka FIR tangwa neiliang ki pulit da kyntait ki wow yarap pynthoh FIR neibynta yong oo.
Discussion about this post