Ka Reserve Bank of India (RBI) ynne da chah maham ko lyngba ka email wa daw booh Bomb ha yung krehkaam yong ka deilang ka HDFC Bank waka ICICI Bank.
Kani ka email wa poi naka email ID [email protected], da dawa ko wow hiar chuki u Governor ka RBI, u Shaktikanta Das waka Finance Minister ka sorkar pyrdi, ka Nirmala Sitharaman heiwa da maham ki wow booh 11 tylli ki Bomb ha ki thaw wa em ha Mumbai tangwa hawa lai ki pulit cha kini ki thaw ym em chem wa em kiwon kiwon ki Bomb.
Kini ki thaw toh ha RBI New Central Office Building wa em ha Fort, ka HDFC House kawa em ha Churchgate wa ha ICICI Bank Towers wa em ha Bandra Complex wei kini ki thaw waroh toh kiwa em ha Mumbai.
Kani ka seiñ da pynbaad ko wa em boon ki kaam thok wei u RBI Governor deilang waka Finance Minister toh u hiar chuki chisiendon wei wow khana paidbah ya waroh kini ki kaam thok wa waroh kitu kiwa emkti lang wei lada ym leh yeini chwa ka 1:30 daw pynpdung ya kini ki 11 tylli ki Bomb uwi hadien uwi.
Discussion about this post