Jowai: U President ka JSM-ER u Shnalad Rymbai da yoh u ya ka message ynnin ka sngi 9 tarik heipor 1:12 i sngi heiwa ini i message da thoh wa maham tynyap ya uni uwa yahkhmat ka seiñ.
Katkam wa thoh ha ka message da maham wymhoi u kem ya kiwa dih bhang dih drugs khelm biang i sakhi u, iwa ong kamni “Shnalad pait di miat ne me daw chah pyniap me han man seng me leh r tein oa me ng leh u seng hi me ham joh kem re ki ki bru dih bhang dih drug…..”
Da ong i message wa lada man uni u President ka seiñ uwa dap chynrang toh u beh ya ki dkhar.
Heiyatoh wa ini neiliang u Shnalad Rymbai da ong u wa lada leh u ya ki kaam wa sih da hun u wow yap tangwa lada leh u ya ki kaam wa bha won kwah u wow im chooh chooh yow kreh neibynta ki paidbah.
Ini i message toh iwa phah na u No. 9612993539.
Heiyatoh wa i em i suba ya ki bru wa phah ya ini i message neiliang u Shnalad da ong wa ym em suba ki ya ki bru seiñbhalang tangwa da suba joor ki wa kini kiwa phah toh kiwa khayi (supply) drugs wa u bhang.
Discussion about this post