Da pynthymme yei rukom lai kari ha ki bynta ka Keating Road, Shillong

Shillong: U Superintendent of Police (Traffic), East Khasi Hills, Shillong, da pyntip u wa khang wow pynduna ya i sahkut ki kari ha ki bynta ka Keating Road, ka chnat Shillong Traffic Police da pynmih ko ya kini ki hukum wa thymme:

1. Ka thaw pynyeiñ kari Taxi wa em ha Jhalupara wa ha Bishnapur pyrchah ya ka Yog Maya u kyrriah noh ki hajan ka Keating Road Community Hall mar pyrchah ya ka Goenka Workshop.
2. Ka luti wow lai na Bamboo Hut cha Kali Mandir, Keating Road u man noh ko ka No Entry wei ki kari wa wan mar pyrchah hap lai ki na Kali Mandir cha Bamboo Hut.
3. Ka luti wow lai na Khan Tyre Shop, Keating Road cha ka yungkrehkaam ka MESEB Office u man noh ko ka No-Entry. Ki kari kiwa wan mar pyrchah hap lai ki na yungkrehkaam ka MESEB cha Khan Tyre Shop, Keating Road.
4. Ka luti wow lai najan ka City Panda kawa em hakan ka yungkrehkaam u SP, Shillong cha Saigal Shop u man noh ko ka No-Entry. Ki kari wa wan mar pyrchah hap lai ki cha Saigal Shop yow poi cha City Panda.
5. Na Saigal Shop, Keating Road cha Holiday Home, Civil Hospital u man noh ko ka No Entry. Wei ki kari wa wan mar pyrchah hap lai ki na Holiday Home, Civil Hospital cha Saigal Shop, Keating Road.