Harood u sarok NH-40E uwa tip kam u sarok Jowai-Dawki uwa dang haap hapoh u pood u ang ka Dorbar Chnong Mynthong Jowai, da chem ya ki ki thyrnia wa ki tadong pynlang snaam kiwa dadep pynemkaam kiwa song da thap hapoh ki Plastic wa ki synduk kot wei da wan noh ha rood u sarok ha ki bynta ka Riatsasim chwa u poi Treiongriang.
Ya kini ki thyrnia wa ki khieh tadong snaam da suba wa da wan noh pynsih da ka Passah Diagnostic Path Lab, Jowai katkam wa chem yei pyrtuid wa da thoh hajrong ka synduk kot deiwa emlang haroh ki Phone Number.
Ya kini ki thyrnia wa ki tadong pynlang snaam ymtoh kiwa da noh du chithaw donhi.
Kini ki thyrnia wei kamjooh ki tadong pynlang snaam toh kiwa dadep pynemkaam wow chim snaam namo ki Blood Sample na ki bru, neibhah wa da yoo ya ki dak snaam hapoh ki thyrnia wa kini ki tadong.
Neiliang ka Dorbar Chnong Mynthong leh mar ya tip ynne ka sngi da hiar ki wut-wut cha kani ka thaw yow sakhi yei sakhiat, wei hadien ini da lai ujor FIR ki ha Jowai Police Station.
Katkam ka FIR ka Dorbar Chnong Mynthong da ong ko wa i leh pynsih wa kam ini booh ko hei maa ya kiwa wa boon wa lang wa neiwa noh taroi noh pynsih kamni ye u chim kabu da kiwi won ki bru wow jied neibynta u lai dai cha ki bru wa dih drugs kiwa ye u pynemkaam khlem tip yei sakhiat.
Neitæ kini ki tadong pynlang snaam won kiwa em pyn harood ka liar daw kai ki cha ka wah Myntdu kawa em pynhajan iwa ye u wanrah yei kjut chitom wa boonjait ya u paidbah neibhah wa na kani ka wah ki bru pynemkam umbaam umdih ki ha ki yung ki sem.
Discussion about this post