Ka kynthai wa punkhon da chah pakhot ko cha lait napoh ka Train wa dang lai hadien wa yaleh pyrchah ko ya uwi u bru wa mut wow slaitbor ka ha Coimbatore, Tamil Nadu iwa da jia ha ka 6 tarik uni u bnai.
Ini da jia i heipor 10:30 i step heiwa kani ka kynthai wa em 36 snem i rta dang lai luti ko na Tiruppur cha Chittoor wa em ha Andhra Pradesh hapoh ka Coimbatore-Tirupati Intercity Express train.
Da ku ko ha kani ka Train heipor 6:40 wei da chong ko hapoh ka Ladies’ Coach wei da emlang leh sa kamwa 7 ngut kiwi ki kynthai waka tangwa manda poi ha Jolarpettai Railway Station heipor 10:15, da hiar lut kini ki kynthai.
Heipor wa sdang ka Train u lai biang, uwi u bru wa tip kam u Hemaraj (27 snem), da psiah syndet u ha kani ka Coach heiwa da ong kani ka bru ya oo wa kani toh ka Coach neibynta ki kynthai donhi heiwa da ong u wa jhan u tæ psiah u kat cha wa yoh wei daw hiar won u.
Hadien wa chong u kattu katni por wei da yoo wa em kani ka kynthai samen, da psiah u chapoh paikhana yow looid sula wei da wan ksoh u ka kani ka kynthai deiwa pyrchang wow looid sula ka heiwa ka da kyrpaad ko ya oo deiwa ong wa punkhon ko la soo bnai tangwa ym sangeh u wei manda kiad wei kyrthai wei kynjat ko, da pakhot u ka cha lait heipor wa dang lai ka Train.
Kani ka bru da mynsoo joor ko hei bynta ki kti, ki kjat, i khlieh wei da chem ka da ki bru kiwa da pynkit ka cha Vellore Government Hospital yow yoh yei sumaar.
Kani ka bru toh kawa dang mut wow lai cha yung ka bei ko hawa jia ini ya ka.
Ki pulit da yoh ki wow kem ya uni u bru heiwa da pyntip toh uwa da jooh myllien wow leh ya kam ini i kaam heiwa da dep chah kem u ha ki kaam wa yatoh wei pynyap wei lute bru.
Discussion about this post