theme-sticky-logo-alt
theme-logo-alt
Advertisement ad1
Advertisement ad1

Chah pakhot Petrol Bomb i yung u Conrad Sangma ha Shillong

Advertisement ad1
Advertisement ad1

Hadien wa mih i kynaad wa i awri ha sor Shillong ynne ka sngi heiyatoh wa i chah tynyap u General Secretary warim ka HNLC, u Cherishterfield Thangkiew da sakhi wa i awri dang joor i. 

Katkam ka yutip wa da yoh da ong wa ynne i miet heipor kamwa 10:00 waje da em ki bru wa pakhot ar tylli ki Petrol Bomb ha i yung u montri rangbah ka jylla, u Conrad Sangma iwa em ha Laimer Shiteng. 

Hadien ini i jia ki pulit ka Jhaluparara da poi ki ha i thaw wow leh yeiwa emkaam. 

Ka yutip wa tikna da ong wa ya ki Petrol Bomb da pakhot uwi naphrang (Gate) wow psiah cha ini i yung wei uwi won da pakhot nadien i thaw psiah cha i yung. 

Ha ini i jia ym em wa mynsoo neibhah wa kini ki Petrol Bomb da haap ki ha madan wei da sakhi leh wa em kamwa 4 ngut ki bru kiwa da wan pakhot ya kini ki Petrol Bomb ha ini i thaw. 

Share this:
Previous

Leh burom Sngi Laitlooid ka Ialong deiwa e sñiawbha leh cha ki ASHA

Next

Da pynman ya ka Independence Day Run ha East wa West Jaiñtia Hills