Chah pakhot Petrol Bomb ka MPSC hadien wa su T. 50,000 cha ki soo ngut

Shillong: Ki pulit ka sor Shillong ha ka Sngi Chohthat da rah ki ya ki kattu katni ngut ki bru na ka thaaiñ Nongmensong wow takit hajrong i suba wa emkti ki ha i chah pakhot Petrol Bomb ya ka yung krehkaam ka Meghalaya Public Service Commission (MPSC), wei nalor kini ki pulit da kem noh ki sa soo ngut kiwa da suba joor wa emkti ha kani ka kaam.

U Superintendent of Police ka East Khasi Hills, u Davis N R Marak da pyntip u wa ynnin ka sngi da kem biang sa uwi uwa su ya ka poisa wei hadien i takit bniah da chem wa 4 ngut kiwa emkti wei da kem noh ya ki da ki pulit.

Da ong u wa kini ki bru da phla ki wa da leh ki ya ini i kaam deiwa phah kiwi, wei da su ya ki T. 50,000. Chooh chooh da ong u wa hadooh katni ympu tip ya i daw wa pakhot ya u Petrol Bomb wei dang thooh ki ya u bru wa phah leh ya kani  kakaam.

U SP da kyntait u leh wow pynmih yei pyrtuid kini kiwa chah kem khnang wa ym thut ka takit deiwa pynrap leh wa kiwa chah kem toh kiwa kyrni wow dih drugs wei toh neini i daw leh ki ya kani kaam wow yoh poisa.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Chooh chooh da ong u wa da em wa su T. 50 hajar ha uwi tawon u bru uwa da chah kem noh ynnin ka sngi, uwa da lai e mar T.18 hajar ha ki ar ngut, katwa da thap u ya oo T. 10 hajar wei kawa tam da pynemkaam wow thied Petrol wa kiwi kiwi.

U Davis da pyntip u wa kini ki bru da pynngat ha ki kyndon aiñ, wa kynthup ya i psiah yabor yung sorkar, wow pynjæd tympra yeiwa em wa kiwi kiwi ki kyndon.