Ynnin ka 16 tarik heipor kamwa 2:00 waje i sngi da em i jia chah pam pyrthat ki 4 ngut ki bru katwa dang chong rieh slap ki ha tre uwi u dieñjri wa heh uwa em ha ka chnong Mowchadep, West Jaiñtia Hills District kawa haap hapoh ka Laskeiñ C&RD Block.
Kini ki 4 ngut wa chah pam pyrthat kynthup ki ya u Pura Sten na ka chnong Mukroh uwa poikha ha chnong Ñiawkmai, u Samaia Lyngdoh uwa na Sahsniang, u Hep Ting uwa na ka chnong Mooshrot wa u Bok Tyngkan uwa na Ñiawkmai.
Katkam ka khubor wa da yoh da ong wa kitai ki bru toh kiwa lai yap bru ha ka chnong Mowshadep wei neidaw wa hiar slap da lai rieh slap ki ha tre uni u dieñjri wa em ha rood sarok.
Uwi na kiwa chah pam pyrthat wa da rap chitom joor, da jet lut ki sula wa patlun wa sap u. Wei ya kini da kit smat smat da ki paidbah cha i thaw e sumaar wa jan ha Sahsniang, neitæ hadien won da kyrriah ya kiwa chitom joor cha ki thaw sumaar wa rap biang yow yoh ki yei sumaar wa rap paka.
Discussion about this post