Chah pasi ka niangrynklaw hadooh wa yap hapoh ka lieñsuiñ ka Air India

Ha iwi i jia wa phylla, da mih pyrthai ka Cabin Defect Logbook namo ka kot wa thoh yei duna ha ka lieñsuiñ iwa da pynkhyrngiat i ya kiwa boon ha Social Media. 

Ha ka Logbook ka lieñsuiñ ka Air India wa lai na Delhi cha Dubai da chem ya ka niangrynklaw hapoh ka lieñsuiñ wei kammon da tynyap ya ka. 

Ini da jia i ha ka lieñsuiñ Air India Flight AI 315, wei mar ya mih na Delhi, uwi u Passenger da yoo u ya ka niangrynklaw hapoh kani ka lieñsuiñ.

Neiliang kiwa kreh namo ki Cabin Crew katkam ki kyndon hap thoh ki yeiwa chem ha ka Cabin Defect Logbook. Kani ka kot toh kawa emkaam bha wow booddien heiwon i duna khnang wow ye u leh yeiwa emkaam.

Related posts

Chem metyap na wah Umsuwai

February 27, 2026

Pynlait ka sorkar ya 84 tylli ki Bus thymme wa kynthup ya 55 tylli ki Electric Bus

February 27, 2026

Hadien ini u Aircraft Maintenance Engineer, da thoh u ha ka Logbook: “Cockroach found alive by guest – cockroach hanged until death” namo wa da chem ya ka niangrynklaw wei da pasi ya ka hadooh wa yap. 

I dur yong iwa thoh ha ka Logbook da poor i kylleiñ ha Social Media iwa da pynsoohrkhai ya kiwa boon.